يوم تدريبي مع متطوعي هوسبيس مصر

الخميس 16/11/2017 هو يوم خاص ومتميز بالنسبة لفريق هوسبيس مصر . يوم مختلف مع العديد من المتطوعين فى هوسبيس مصر. إن كل عضو فى فريق عمل الهوسبيس يقدّر دور كل متطوع ويعلم جيداً أن رسالة الهوسبيس لن تتحقق إلا بعمل وجهد المتطوعين لأنهم بمثابة العمود الفقرى لهوسبيس مصر، لما يقومون به من دور هام وفعال فى حياة المرضى وأسرهم.

فريق هوسبيس مصر أطلق على هذا اليوم المميز إسم: يوم المتطوعين ، وقام بدعوتهم لقضاء يوم خاص وسط جدول التزاماتهم بالخدمات المقدمة للمرضى .

3

إن الهدف الرئيسى من يوم المتطوعين هو تعميق دائرة التعارف والتواصل بين فريق العمل وبين فريق المتطوعين ، ولقد نظم فريق العمل فى هوسبيس مصر برنامج هذا اللقاء بصورة جيدة وقسمه إلى جزءين : – 

الجزء الأول عبارة عن جولة ميدانية للمتطوعين فى مبنى الهوسبيس الثابت لمتابعة ما يشهده المبنى من تطورات مستمرة وتجهيزات تتبع أعلى معايير الجودة للهوسبيس حول العالم . وأثناء الزيارة، فتح فريق الهوسبيس باب الحوار مع المتطوعين لمناقشة الطرق الصحيحة لعمل زيارة دورية للمريض فى بيته ؟ وما هي الكلمات التي يجب مراعاة استخدامها مع المريض ؟ كما قاموا بإلقاء نظرة سريعة على المبنى من الداخل وتفقدوا غرف المرضى، كما أثارت الأجهزة الحديثة اهتمام فريق المتطوعين وتعرفوا على طرق تشغيلها.

 

5ما الجزء الثانى من البرنامج فكانت بدايته مع لحظة الوصول إلى “بيت الهنا”،  وهو مكان جميل وهادىء ويبعث على الراحة والسلام لما يتميز به من خُضرة وأشجار منتشرة فى أرجاءه. 

ولقد استمتع جميع الحضور بمحاضرة شيقة للدكتور/ “ليليان عوض” – الأستاذة في الطب النفسي تحت عنوان: “كيفية عمل تفريغ نفسي صحي بعد التعامل مع المرضى في أيامهم الأخيرة”. وبعد تناول وجبة الغذاء، بدأت فقرة غير تقليدية بعمل بعض تمارين اليوجا وتمارين التنفس لتفريغ الطاقة السلبية وأكتساب الطاقة الإيجابية. ولقد نالت تلك التمارين استحسان الجميع نظرا لسهولة تنفيذها بشكل عام أو بعد الزيارات الميدانية.

15مع نهاية هذا اليوم المميز ، تم التقاط الصور التذكارية ، واختتم البرنامج بفقرة هامة تحت عنوان: “إنطباعات الحاضرين ومدى تأثرهم بخدمات الهوسبيس” ، ولقد شارك البعض بكلمات مؤثرة عن مدى النشاط الفعال للمؤسسة.إن الإيجابيات العديدة ليوم المتطوعين جعلت فريق هوسبيس مصر يعد بالمزيد من تللك اللقاءات البناءة فى المستقبل .       

Advertisements

أمنيات مريض

صحيح إن الطب عجز قدام حالة المريض فى أيامه الأخيرة وأعلن إن مفيش خلاص علاج ينفعه. لكن ده مش معناه نسيب المريض يدخل فى دايرة من اليأس وانتظار الموت ويتخلى عن كل أحلامه وأمنياته ورغباته.

دور هوسبيس مصر إنه يحاول بكل طاقته علشان يحقق له ولو شوية من أمنياته اللى بتفكره بحياته قبل المرض وبتخفف من قسوته والامه.

والقصة اللى هنحكيها بتعبر عن ده :

دكتور كشف على مريض وكان تشخيصه لحالته إنها متأخرة جداً.

بعدها الدكتور زاره فى البيت علشان يتطمن عليه ويتابع حالته ، واتفاجىء بوجود عدد كبير من الحمام فى كل ركن فى البيت لأن هواية المريض ده كانت تربية أنواع كتيرة من الحمام .
الدكتور انزعج جدا وحذره إن وجود الطيور حواليه خطر جداً على صحته وممكن يتسبب فى تدهور أسرع لحالته. المريض استقبل كلام الدكتوربحزن شديد وصمت.

بنت المريض كانت موجودة معاه فى اللحظة ديه وحضرت الموقف . فطلبت من الدكتور بعد ما خلص كلام مع أبوها إنه يدخل أوضة تانية فى البيت من غير ما تشرح السبب. اندهش الدكتور من اللى شافه فى الأوضة ديه لما شاف متعلق على كل الحيطان نياشين وجوائز كتيرة. شرحت الابنة للدكتور إن كل حياة أبوها وكل متعته فى الدنيا بيلاقيها فى تربية الطيور وفى الاهتمام بيها .
الدكتور سكت شوية وبعدين قال لها إن الهواية ديه خطر عليه وممكن تعجل بوفاته.

ردت الابنة وقالت إن هى ديه حياته ، ولو حرمناه من هوايته اللى بتمثل أغلى حاجة عنده ، هيكون زى الميت حتى وهو لسه عايش .

ملخص الحكاية إنه مهما كانت صعوبة الظروف، سعادة الإنسان وجودة حياتهم حتفضل دايما هى الأهم .

محور خدمة الهوسبيس هو احترام رغبة المريض لأن الهوسبيس بيضيف حياة لأيامه اللي باقية ، مش مجرد أيام لحياته .

 

فرحة كريم

شهر رمضان له طعم ومكانة خاصة فى كل بيت مصرى . لأنه شهر الخير واللمة الحلوة اللى بتجمع شمل العيلة والأصحاب ، وتملا قلوبنا فرحة بذكريات حلوة ماتتنسيش .

علشان كدة فريق چوساب فكرالسنة دى يتفاعل بشكل مختلف مع أسر المرضى بمناسبة رمضان ، لأن دور چوساب مش بس مٌقتصر على خدمة المريض وتوفير إحتياجاته المختلفة اللى تناسب حالته ، إنما كمان نفسه يدخل الفرحة جوا كل بيت لأسرة مريض ولو بأبسط الطرق.

ابتدى الفريق يتحرك تجاه أسرة المريضة(أ) هى وحفيدها ( كريم ) اللى عمر 4 سنين تقريبا ، وهى بتحبه أكتر من نفسها وكل فرحتها انها تشوفه فرحان .

المريضة ( أ ) قالت للفريق فى التليفون إنها من زمان قوى مش بتحط زينة ولا بتعمل أى مظاهر احتفال برمضان. 

علشان كده فريق چوساب اشترى الورق والأدوات اللازمة ، وفى الزيارة بعد ما اتطمن على صحة المريضة وأحوالها ، فضل يتكلم مع ( كريم ) ويضحك معاه ، ويعلمه ازاى يعمل زينة رمضان من الورق الملون.1

( كريم ) كان مبسوط جدا إن فيه ناس حواليه جايه تلعب معاه وتشاركه فرحة رمضان ، ولما شاف الورق الملون والألوان قال إنه نفسه يعمل فانوس ، وفعلا دا اللى حصل ، مش بس كريم اللى كان فرحان وهو بيعمل معانا الفانوس اللى طلبه ، وبياخد معانا صور والفانوس فى إيده ، لكن فى الحقيقة كل البيت كان فرحان باللمة ، من أول جدته ،
لحد كل واحد من فريق العمل .DSC_0402DSC_0419

فريق چوساب يومها فرحته كانت فرحتين . فرحة اننا قدرنا ندخل السعادة فى قلوبهم ، وفرحة تانية اننا شاركنا أسرة المريض بتفاعل جديد ومش تقليدى .

المريض وأسرته محتاجين للفرحة والضحكة تدخل بيتهم ..وانت بمساهمتك تقدر تساعد.

رمضان كريم .

 

مفاتيح لتدعيم أهل المريض

s1اتكلمنا قبل كده عن مراحل المعاناة اللى بيمر بيها المريض فى أيامه الأخيرة ، وازاى نقدر نتعامل معاها .

النهاردة هنتكلم أكتر عن الأعباء و الوقت الصعب اللى بتمر بيه أسرته .

الأعباء الواقعة على أسرة المريض في أيامه الأخيرة

أسرة المريض بتتحمل عبء عاطفى كبير نتيجة خدمتهم المتواصلة للمريض ، ورغم إن أغلب الأسر بيقوموا بالدور ده عن طيب خاطر إلا إن الحزن والشعور بالذنب والغضب والاستياء والشعور بعدم الكفاية  كلها ردود أفعال مشتركة وأسبابها ممكن تفهمها .

أنواع الأعباء

1-أعباء جسدية 
الأسرة بترعى المريض رعاية متكاملة ودورها اليومى تحضير الأكل أو ومساعدته على إنه يقدر ياكل ، بتحرص على انتظامه في مواعيد تناول جرعات الدوا ، بتحافظ على نظافة المريض الشخصية، وكل الأمور ديه وغيرها بتسبب مع الوقت عبء بدني كبير.

2- أعباء نفسية
الأسرة بتتحمل أعباء نفسية شديدة زى احساسهم بخطورة الوضع الصحى العام للمريض ومدى تدهور الحالة مما يعود بالسلب على نفسيتهم . أيضاً تالم المريض يزيد من همومهم واحساسهم بعدم القدرة على مساعدته. ولأن المريض بيفقد فجأة قدرته على القيام بالأنشطة المعتادةوده بيخلى الأسرة تتولاها بالتدريج نيابة عنه (مكالمة أصدقائة – النزول للتنزه –السفر – الأهتمام بأموره الشخصية – … )وفي بعض الأحيان يتطلب الأمرترك الوظيفة للتفرغ لرعاية المريض وبالتالي بيضاف إلى العبء النفسي عبء مادي .

3- أعباء مادية
الأسرة معرضة لاستنزاف مادى مستمر وده بيخلى وضعهم الاقتصادى بعد ما كان مرتفع أو متوسط ينحدر من سىء لأسوأ بسبب مصاريف العلاج والأدوية والإنتقال المستمر للمستشفيات.

4- أعباء إجتماعية
عادة بينسحب بعض الأقارب أو الأصدقاء تدريجياًوبيبعدوا عن دايرة العلاقات، وده بيزود الشعور بالوحدة ممكن يوصل لحد الإكتئاب بسبب إنشغاله الكامل مع المريض.

5- أعباء أخري
نتيجة الحالة غير المستقرة للمريض ودخوله من وقت للتانى فى حالة الطوارىء أو دخوله المستشفى فى حالة حرجة ، ده بيحتاج من الأسرة التصرف تحت ضغط و سرعة فى اتخاذ القرار المناسب وده بيمثل عبء في إتخاذ القرارات .

مفاتيح تقديم الدعم لأهل المرضى في أيامهم الأخيرة

فريق چوساب من خلال مشروع هوسبيس مصر  بيوفر الدعم للمريض وأسرته بأساليب متنوعة . ولابد من مراعاة بعض الأمور عند توفير الخدمات المختلفة.

  • التواصل هو المفتاح

المريض وأسرته يحتاجوا إلى  ( الإصغاء والإنصات الجيد ) علشان يوصل له الشعور بالإهتمام الحقيقى .

  • مساحة من الوقت لأسرة المريض

لابد من إعطاء المريض الفرصة الكاملة للتعبير عن مشاعره تجاه الفترة الصعبة اللى بيمر بيها فى حياته عن طريق إعطاؤه مساحة للكلام وحرية السؤال. وده بيخفف من على كاهل الأسرة أن المريض يفضفض مع حد غيرهم.

إحترام الخصوصية

من العوامل الهامة التي يجب مراعاتها ، عدم فرض بعض أنواع المحادثات الحساسة المتعلقة بشئون الأسرة وتفاصيل شخصية لا تفيد الخدمة المُقدَمة . الإلتزام بعدم إختراق حدود الأخرين أو التعدي عليها أمر فى غاية الأهمية.

  • مساحة من الوقت لأهل المريض

مهم جدا إتاحة الوقت لأسرة المريض إما للمساعدة في تخفيف الحمل عنهم أو للترفية عن نفسهم، وده بيتم عن طريق توفير متطوعين أو مقدمي رعاية يقوموا برعاية المريض بدل أفراد الأسرة لفترة من الوقت يسمح لأفراد الأسرة إنهم يستعيدوا طاقتهم ويقدروا على الإستمرار فى خدمة المريض.

5- الأسرة بتحتاج لدعم نفسي والتمهيد عن فقدان المريض لكي يتم الأستعداد نفسياً بالفقدان .

مهم الآخذ في الاعتبار مرحلة الحزن بعد الوفاة وده موضوع كبير ها نتكلم عنه بشكل أوسع في مقالة جديدة .

                                  هوسبيس مصر بيهتم بالمريض وأسرته.

.

فريق العمل وتحديات الهوسبيس

بعتبر مفهوم الهوسبيس جديدا في عدد من البلدان وكلمة ” الهوسبيس ” ليست كلمة عربية ولكن تم ترجمتها  بحسب منظمة الصحة العالمية : بأنها الرعاية التلطيفية التريحية للمريض في أيامه الأخيرة.

وتعتبر مؤسسة چوساب هي الرائدة في تقديم أول مشروع هوسبيس  بالمجان في مصر ويقوم بتنفيذ هذا المشروع  فريق عمل  متعدد التخصصات لتقديم خدمات متنوعة للمرضى فى أيامهم الأخيرة. ولأن هذا المفهوم غير متداول في الدول النامية  فهو يواجه بعض  التحديات، نلقى الضوء على بعض منها :-

1- استمرار الأطباء في علاج الحالات التي لا تستجيب للعلاج الدوائي، ظناً منهم بأن إيقاف الدواء يعني فشلهم فى العلاج ، مما  يستنزف الكثير من الموارد المادية لكل من المنشأة الصحية وأسرة المريض.

2- هدف دمج خدمة الهوسبيس داخل المنظومة الصحية يحتاج فى الواقع إلى الكثير من الوقت والجهد ، مما يؤثر على تقديم الخدمة .

3- نشر الوعي حول توافر خدمة الهوسبيس في المجتمع المصري ، يحتاج الى مزيد من حملات التوعية للتعريف الجيد بأهمية الخدمة.

4- هناك بعض القصور فى المناهج الطبية والمناهج النفسية عن كيفية رعاية المريض في أيامه الأخيرة، لذا مؤسسة چوساب فى سبيلها لإعداد منهج تدريبي متخصص في مجال الهوسبيس.

5- ضعف الوعي اللازم لدى الشركات والهيئات والمؤسسات الممولة تجاه أهمية التبرع ، حتى تتمكن مؤسسة چوساب من التوسع الأفقى والرأسى ، واستكمال توفير الخدمة المجانية بالكامل.

6- ندرة وجود أطباء فى تخصص علاج الالم ، ولقد أثمر سعى المؤسسة فى هذا المجال عن نجاح التعاقد مع إثنين من اكفأ اطباء مصر فى علاج الألم.
مازال هناك المزيد من التحديات وتبذل المؤسسة كل جهودها لمواجهة هذه التحديات من أجل حق كل مريض في ايامه الأخيرة أن يعيش بكرامة . وبمساهمتك ودعمك سيساعد على إتاحة هذه الخدمة لأكبر عدد من المرضى.

تأثيث أول هوسبيس ثابت فى مصر

تم تأثيث الهوسبيس الثابت فى مصر بأحدث التجهيزات لتلائم المريض فى أيامه الأخيرة، و ذلك تحت إشراف خبراء ألمان لضمان وصول معايير التأثيث إلى مستوى الهوسبيس الموجود فى ألمانيا.

تتوفر لكل مريض فى الهوسبيس الثابت غرفة مستقلة بها حمام خاص لضمان خصوصيته، كما تحتوي كل غرفة على نافذة كبيرة تطل على الحديقة ليتمكن المريض و هو راقد على فراشه من الاستمتاع بمنظر الطبيعة الخضراء.

استمر في القراءة

مشاركة چوساب في فعاليات اللقاء المنظم من برنامج تيدكس كايرو المرأة

(مُنتهى الأمل) كان هو اسم العرض الذي شاركت به مؤسسة چوساب في فعاليات اللقاء المنظم من برنامج تيدكس كايرو المرأة TEDx Cairo Women و هو البرنامج الذي يركز على قضايا المرأة في مصر. و هو يعتبر من أشهر البرامج على مستوى العالم و تم تأسيسه بعد مؤتمر تيد TED العالمي سنة 1984. و قد جمع البرنامج بين ثلاثة محاور هي: التكنولوجيا، الترفيه و التصميم. و أصبح ينظم له أحداث مستقلة مشابهة حول العالم.

 

tedx

تم اختيار عرض مؤسسة چوساب ضمن أفضل 11 عرض تم تقديمهم و حضر اللقاء حوالى 300 مشارك و مشاركة في الفئة العمرية من 25 الى 50 سنة في فندق ماريوت الزمالك. ولقد ناقش العرض الدور الريادي لمؤسسة چوساب في تنفيذ أول هوسبيس في مصر يتم من خلاله تقديم الدعم الاجتماعي و التمريضي و النفسي و الترفيهي و القانوني للمريض و ذويه.

أسفرت مشاركة المؤسسة عن التعرف على مبادرات تنموية جديدة، كما تم توطيد الصلة مع مؤسسات يمكنها تقديم أنواع اخرى من الدعم لمرضى مؤسسة چوساب.

 
30943018100_22fc73302a_o

و هذا ما كتبته عنا الصحف و المجلات:

https://goo.gl/HThkz6

http://al-ghorba7.blogspot.com.eg/2016/11/blog-post_15.html?m=1

http://because.bz/gender/tedxwomen-crossing-over